A Coruña, 17 de xuño de 2026. A sede compostelá do Parlamento de Galicia acollerá os días 18 e 19 de xuño a xornada Os dereitos fundamentais das persoas con discapacidade: perspectivas persoal e patrimonial.

O encontro, organizado pola institución lexislativa, A Fundación Aequitas do Notariado e o Colexio Notarial de Galicia, comeza mañá ás 09:30 horas co acto de inauguración oficial a cargo de:
 
-    Miguel Ángel Santalices Vieira, presidente do Parlamento de Galicia.
-    Carmen Eiró Bouza, fiscala superior de Galicia.
-    José María Graíño Ordóñez, decano do Colexio Notarial de Galicia.
-    Jorge Prades López, vicesecretario-tesoureiro do Consello Xeral do Notariado.
-   Germán María Serrano Espinosa, maxistrado delegado de discapacidade do Consello Xeral do Poder Xudicial en Galicia.

Ao longo das dúas xornadas, destacados especialistas xurídicos -maxistrados do Tribunal Supremo, fiscais de sala e notarios- xunto a representantes de entidades do terceiro sector (FEAFES, Fundación Sálvora, ASPACE, Liber e Fademga Plena Inclusión) analizarán a aplicación práctica da Lei 8/2021 de apoio ás persoas con discapacidade na práctica do exercicio da súa capacidade xurídica, as experiencias persoais dos afectados/as, os retos da garda de feito e as medidas de apoio voluntarias e xudiciais.

Días: Xoves 18 e venres 19 de xuño de 2026.
Hora: Comezo ás 9:30 horas os dous días.
Lugar: Parlamento de Galicia (Rúa do Hórreo, 63 - Santiago de Compostela).