A Academia está aberta para todos os licenciados en dereito que o soliciten, con independencia da súa procedencia xeográfica.

A preparación é totalmente gratuíta e só se lles esixe aos opositores, ademais de estudo e esforzo, o compromiso moral de, no caso de conseguir o aprobado, colaborar na preparación da seguinte promoción de opositores. Hai que advertir, con todo, que todos os opositores que comecen a súa preparación connosco están sometidos a un período de proba, que culmina cunha avaliación por parte dos responsables da Academia na que se lles informará aos opositores sobre a conveniencia de continuar coa súa preparación.

A Academia está situada en Santiago de Compostela, Rúa República do Salvador, 4 4º C, e o teléfono de contacto é o 981.562.604.

Por último, gustaríanos remarcar o espírito de apertura que inspira á Academia, que en ningún caso está restrinxida a Galicia nin a opositores galegos, senón que o único fin que pretende é a formación de futuros profesionais que compartan os nosos principios reitores, con independencia da súa procedencia.