Tras o primeiro encontro de traballo celebrado na sede do Colexio Notarial de Galicia o pasado mes de febreiro, convócase as institucións e entidades integrantes do Foro Galicia de Discapacidade a unha nova reunión o próximo día 21 de maio na sede do Colexio Notarial.

Nesta segunda sesión do Foro, e sen prexuízo de achegar as propostas de mellora e experiencias que preocupan e afectan o colectivo de persoas con discapacidade en Galicia, determinouse a seguinte orde do día:

1.-Análise da problemática que se detecta para as persoas con discapacidade na práctica bancaria tras a Lei 8/2021 para o apoio das persoas con discapacidade no exercicio da súa capacidade xurídica, tendo en conta o Protocolo marco entre a Fiscalía Xeral do Estado, Banco de España e a Asociación Nacional de Banca, asinado en data 19 de xullo do 2023.

2.- Situación da garda de feito, análise das principais cuestións que se expoñen na práctica.

3.- Análise dos efectos colaterais no ámbito da seguridade social e da Administración Tributaria tras a citada Lei 8/2021.

Prégase confirmación de asistencia a esta segunda convocatoria.

Lugar: Sede do Colexio Notarial de Galicia. Rúa Arcebispo Lago, 12 (A Coruña).

Hora: 17.00.