A Coruña, 27 de novembro de 2025. En setembro de 2025, con respecto a setembro de 2024, a compravenda de vivendas creceu en Galicia un 6%, lixeiramente por encima da media española do 5%. O prezo do m² incrementouse nun 4,4% na comunidade autónoma, e os préstamos hipotecarios para adquisición de vivenda, nun 11% interanual.

Máis compravendas a maior prezo

En setembro efectuáronse na comunidade galega 2.472 compravendas de vivenda e o prezo medio creceu un 4,4%, ata os 1.188 €/m².

Por tipo de inmoble, producíronse 1.712 compravendas de pisos, un 4% máis que no mesmo mes do ano anterior, e 760 de vivendas unifamiliares, un 10,6% máis. 

O prezo medio dos pisos aumentou un 4,6%, ata alcanzar os 1.530 €/m², e o das unifamiliares situouse no 785 €/m², un 9,9% máis que un ano antes.

A compravenda de vivenda creceu en 13 comunidades autónomas e reduciuse en catro. Destacan os aumentos en Castela e León (21,4%), A Rioxa (21,2%), Murcia (18,5%) e Estremadura (18,4%), e as caídas en Cantabria (-5,6%) e Madrid (-5,4%).

En canto ao custo do m², o incremento medio estatal foi do 6,3% interanual. Os prezos encareceron en 16 autonomías, con fortes subidas na Rioxa (32,4%), Cantabria (22,6%) e Canarias (22,0%).

Aumento de préstamos hipotecarios

En setembro pasado concedéronse en Galicia 1.096 préstamos hipotecarios para adquisición de vivenda, un 11% máis que en setembro de 2024, por baixo da media do conxunto de España do 11,4%. 

A contía media destes préstamos subiu na comunidade autónoma un 11,1% interanual, ata alcanzar os 134.502 euros. 

Un 44,3% das compras de vivendas financiouse mediante un préstamo hipotecario, fronte a un 50,3% de media española. Ademais, a contía do préstamo supuxo en Galicia unha media do 73,5% do prezo, por un 72,5% estatal.

O número de hipotecas creceu nas 17 autonomías, e a contía media, en 15. 

Decrece a constitución de sociedades

Os datos do Centro de Información Estatística do Notariado tamén revelan que en setembro de 2025 constituíronse na comunidade autónoma 329 sociedades, o que supón un descenso do 6,3% interanual, fronte a unha media do 13,9% en España. A creación de novas sociedades aumentou en 13 das 17 comunidades autónomas.

 

Os datos dos últimos tres meses das series desta nota son provisionais ata dispoñer do 100% da información con que se elaboran estes informes.